Transcription
1
Monseigneur, dès aussitost quavons esté advertis que
2
V[otre] S[eigneurie] estoit arrivée au Montheilhemar, navons
3
vouleu fère faulte de vous fère entendre comme
4
ces iours passés nous avions descouvert que deux
5
soudalz de ceste ville qui avoint de tout temps tousiours
6
estés bons catholics se vouloint retirer avec les
7
huguenaus, que fust cause que nous les fismes dès
8
incontinent prisonniers. Nous sperions de fère leur
9prossès pour le vous envoier pour y prevoir comme [barré : bon ]
10
ceroit advisé par V. S. et ce a esté la cause principale
11
que navés plustost esté informé. Il est despuis
12
advenu que le procureur leur pourtant à soupper
13
fust mal advisé de leur ouvrir les portes des
14
prisons à tous deux, que fust cause quilz ce sauvarent
15
du cousté de leglise avec la corde de la cloche, de
16
la quelle nous servons pour descouvrir les venans
17
au terroir de la ville. Et despuis ce sont les susditz
18
retirés suivant leur mauvaise voulenté avec les
19
huguenaus à St Maurice et Vinssobres, nous avons
20
tout soubdain renfourcée nostre guarde, aiant
21
mis cinq soudalz davantage à la porte à grans
22
frais et des pans, qui nous contraint vous supplier
23
très humblemant davoir pitié de nous et nous
24
descharger de la contribution de St Pol, veu la grant
25
pouvreté en la quelle nous sommes à presant constitués.
26
Cependant, nous veilherons tousiouir à la guarde
27
de nostre ville pour la conserver avec laide de
28
Dieu, soubz lobbeissance de sa magesté et vostre.
29
Et surce, prierons Dieu vous vouloir
30
Monseigneur, conserver en augmentation de votre
31
estat en très heureuse et longue vie. De Tullete, ce XXVI
32
febvrier 1574. Vous très humbles et obbeissans
33
serviteurs. Le viguier, consulz et
34
gouverneur de Tullete.